Azərbaycanda allergik xəstəliyi olanlara tövsiyə
Опубликовано в:
| 2019-03-01
Azərbaycanda allergik xəstəliklərə qarşı tibbi xidmətin yaxşı təşkil edilməsinə və xəstəxanaların əksəriyyətində bu xəstəliklə əlaqədar xüsusi şöbələrin olmasına baxmayaraq, belə xəstələr həkimlərə müraciət etməyə maraq göstərmirlər. Bunu cümə günü Trend-ə tibb elmləri namizədi, allerqoloq İldırım Qasımov deyib.
Onun sözlərinə görə, Azərbaycanda allergiyanın ən geniş yayılmış forması olan allergik rinit bronxial astmaya çevrildikdən sonra xəstələr müraciət edirlər.
Allerqoloq deyib ki, allergik rinit burunun selikli qişasının allergik iltihabıdır. Bu xəstəlik zamanı xəstədə burun axma, burun tutulması, qaşınması və asqırmalar olur. Bu simptomlar 88 faiz bronxial astma xəstələrində müşahidə olunur. Allergik rinitə böyüklərdə nisbətən az rast gəlinir. Bu xəstəlik 6-13 yaşlı uşaqlarda daha cox müşahidə edilir.
Qasımov bildirib ki, allergik rinit diaqnozunun təsdiqlənməsi üçün xəstə laborator müayinədən keçməli və ona allergik testlər qoyulmalıdır. Müalicə olunmadıqda allergik rinitin ağırlaşaraq bronxial astmaya keçmə ehtimalı çox böyükdür. Buna görə də allergik rinitdən əziyyət çəkənlər vaxtında müayinə və müalicə edilməlidirlər.
Allergik rinit insanlarda əsasən ilboyu və mövsümi müşahidə edilir. İl boyu davam edən allergik rinitlər məişət allergenlərinə - ev tozu, kitab tozu, məişət gənəcikləri, heyvanların, quşların epidermal allergenlərinə, kif göbələyinə, bəzi qidalara qarşı həssaslığı çox olan xəstələrdə əmələ gəlir. Bəzən dərmanlardan uzun müddət istifadə edildikdə də insanlarda dərman riniti yaranır. Mövsümi allergik rinit bitkilərin, otların, ağacların tozcuqlarına, bəzi göbələklərə qarşı əmələ gəlir. Mövsümi renit bəzi insanlarda bir ay, bəzilərində isə bir neçə ay - soyuq havalar başlayana qədər müşahidə edilir. Azərbaycanda daha çox ilboyu davam edən allergik rinitlərə rast gəlinir.
"Mənim öz statistikam göstərir ki, xəstələrin 20-30 faizi mövsümi, 70-80 faizi ilboyu davam edən allergik rinitlərdən şikayətlənir", - həkim deyib.
O bildirib ki, müəyyən peşə sahiblərinin də allergik rinitə tutulma ehtimalı çoxdur. Buna görə də yun sexində, gözəllik salonlarında, atelyelərdə işləyənlər, xüsusilə nəsillərində allergik xəstələr olanlar daha çox qorunmalıdırlar.
Qasımov deyib ki, çox zaman allergik rinit olan uşaqların ya atasında, ya anasında, ya da yaxın qohumlarında allergik rinit, bronxal astma xəstəliyi olur.
"Deməli, bu da xəstəliyin irsi yolla keçdiyini göstərir. Əgər atada, ya da anada allergik rinit, yaxud bronxial astma varsa, deməli, onların uşaqlarında bu xəstəliyin yaranma ehtimalı çox böyükdür. Ona görə də belə ailələrdə uşaqların yun yorğan-döşəyi sintifonla əvəzlənməli, yun xalçalardan imtina edilməli, gün ərzində otağın havası bir neçə dəfə dəyişdirilməlidir", - həkim qeyd edib.
Qasımov əlavə edib ki, allergiyadan qorunmaq üçün allergenlərə qarşı həssaslıq yaradan amilləri aradan qaldırmaq, maşın qazı, siqaret tüstüsündən uzaq durmaq, vaxtında müayinə olunmaq, simptomatik və patogenetik müalicə aparmaq lazımdır.
Müəllif: "Allerqoloq-immunoloq" Dr. İldırım Qasımov
Mənbə: Trend.az
Materiallardan istifadə edərkən Tibbiportal.az saytına aktiv link göstərilməlidir
Onun sözlərinə görə, Azərbaycanda allergiyanın ən geniş yayılmış forması olan allergik rinit bronxial astmaya çevrildikdən sonra xəstələr müraciət edirlər.
Allerqoloq deyib ki, allergik rinit burunun selikli qişasının allergik iltihabıdır. Bu xəstəlik zamanı xəstədə burun axma, burun tutulması, qaşınması və asqırmalar olur. Bu simptomlar 88 faiz bronxial astma xəstələrində müşahidə olunur. Allergik rinitə böyüklərdə nisbətən az rast gəlinir. Bu xəstəlik 6-13 yaşlı uşaqlarda daha cox müşahidə edilir.
Qasımov bildirib ki, allergik rinit diaqnozunun təsdiqlənməsi üçün xəstə laborator müayinədən keçməli və ona allergik testlər qoyulmalıdır. Müalicə olunmadıqda allergik rinitin ağırlaşaraq bronxial astmaya keçmə ehtimalı çox böyükdür. Buna görə də allergik rinitdən əziyyət çəkənlər vaxtında müayinə və müalicə edilməlidirlər.
Allergik rinit insanlarda əsasən ilboyu və mövsümi müşahidə edilir. İl boyu davam edən allergik rinitlər məişət allergenlərinə - ev tozu, kitab tozu, məişət gənəcikləri, heyvanların, quşların epidermal allergenlərinə, kif göbələyinə, bəzi qidalara qarşı həssaslığı çox olan xəstələrdə əmələ gəlir. Bəzən dərmanlardan uzun müddət istifadə edildikdə də insanlarda dərman riniti yaranır. Mövsümi allergik rinit bitkilərin, otların, ağacların tozcuqlarına, bəzi göbələklərə qarşı əmələ gəlir. Mövsümi renit bəzi insanlarda bir ay, bəzilərində isə bir neçə ay - soyuq havalar başlayana qədər müşahidə edilir. Azərbaycanda daha çox ilboyu davam edən allergik rinitlərə rast gəlinir.
"Mənim öz statistikam göstərir ki, xəstələrin 20-30 faizi mövsümi, 70-80 faizi ilboyu davam edən allergik rinitlərdən şikayətlənir", - həkim deyib.
O bildirib ki, müəyyən peşə sahiblərinin də allergik rinitə tutulma ehtimalı çoxdur. Buna görə də yun sexində, gözəllik salonlarında, atelyelərdə işləyənlər, xüsusilə nəsillərində allergik xəstələr olanlar daha çox qorunmalıdırlar.
Qasımov deyib ki, çox zaman allergik rinit olan uşaqların ya atasında, ya anasında, ya da yaxın qohumlarında allergik rinit, bronxal astma xəstəliyi olur.
"Deməli, bu da xəstəliyin irsi yolla keçdiyini göstərir. Əgər atada, ya da anada allergik rinit, yaxud bronxial astma varsa, deməli, onların uşaqlarında bu xəstəliyin yaranma ehtimalı çox böyükdür. Ona görə də belə ailələrdə uşaqların yun yorğan-döşəyi sintifonla əvəzlənməli, yun xalçalardan imtina edilməli, gün ərzində otağın havası bir neçə dəfə dəyişdirilməlidir", - həkim qeyd edib.
Qasımov əlavə edib ki, allergiyadan qorunmaq üçün allergenlərə qarşı həssaslıq yaradan amilləri aradan qaldırmaq, maşın qazı, siqaret tüstüsündən uzaq durmaq, vaxtında müayinə olunmaq, simptomatik və patogenetik müalicə aparmaq lazımdır.
Müəllif: "Allerqoloq-immunoloq" Dr. İldırım Qasımov
Mənbə: Trend.az
Materiallardan istifadə edərkən Tibbiportal.az saytına aktiv link göstərilməlidir